ផ្សាយក្នុងផ្នែក ព័ត៌មានបច្ចេកវិទ្យា ដោយ yornsophearith កាលពី 41 mins ago One Comment
យោងតាមសម្ដីរបស់ក្រុមអ្នកវិទ្យាសាស្ត្រមួយក្រុមបានឲ្យដឹងថា នៅថ្ងៃទី១៩មីនាខាងមុខនេះ ព្រះចន្ទនឹងវិលមកកៀកផែនដីបំផុត បើយោងតាមការអង្កេតក្នុងរយៈពេល១៨ឆ្នាំកន្លងមកនេះ។ ដំណើរវិលមកជិតនេះ ត្រូវបានគេសន្មតថា មានចម្ងាយប្រហែល ៣៥៦,៥៧៧គីឡូម៉ែត្រពីភពផែនដី។
បាតុភូតនេះត្រូវបានគេដាក់ឈ្មោះថា Lunar Perigee ផ្ទុយពី Lunar Apogee ដែលពាក្យនេះសំដៅទៅលើចម្ងាយ ដែលព្រះចន្ទនៅឆ្ងាយពីភពផែនដីបំផុត។ អ្នកវិទ្យាសាស្ត្រ Astrologer Richard Nolle បានហៅព្រះចន្ទថា Supermoon ដែលពាក្យនេះត្រូវបានគេប្រើកាលពីទសវត្សរ៍ឆ្នាំ១៩៧០។ អ្វីទៅជាSupermoon? Supermoon សំដៅលើរូបរាងរបស់ព្រះចន្ទរាងមូល (ប្រហែល៩០%) នៅពេលស្ថិតនៅជិតបំផុតនៃគន្លងផែនដី ហើយនៅថ្ងៃទី១៩មីនាខាងមុខនេះ យើងនឹងអាចមើលឃើញព្រះចន្ទមូលពេញវង់១០០%។
តាមសម្ដីរបស់ក្រុមតារាវិទូមួយក្រុមបានអះអាងថា បាតុភូតនេះមិនមែនជាបច្ច័យល្អសម្រាប់មនុស្សជាតិយើងទេ ពីព្រោះដំណើរវិលមកជិតផែនដីនេះ នឹងមានឥទ្ធិពលលើគំរូអាកាសធាតុលើភពផែនដី។ ជាមួយគ្នានេះដែរ មានអ្នកខ្លះភ្ជាប់រឿងនេះទៅនឹងវិនាសកម្មបង្កឡើងនៅភពផែនដីដូចជាការរញ្ជួយដីជាដើម។
ដោយឡែក លោក Peter Goldreich សាស្ត្រាចារ្យប្រចាំនៅនាយកដ្ឋានវិទ្យាសាស្ត្រសិក្សាពីភពនិងតារាសាស្ត្រនៃសាកលវិទ្យាល័យ Caltech បានឲ្យដឹងថា លោក និងអ្នកវិទ្យាសាស្ត្រជាច្រើនទៀតបានសិក្សាលើព្រះចន្ទជាច្រើនទសវត្សរ៍មកហើយ តែពួកគាត់មិនទាន់បានរកឃើញថាគ្រោះមហន្តរាយធម្មជាតិបង្កឡើងដោយសារតែការវិលមកជិតផែនដីរបស់ព្រះចន្ទនេះទេ។
ចំណែកលោក Gordon Johnston អ្នកសិក្សាកម្មវិធីស្រាវជ្រាវភពជាន់ខ្ពស់របស់អង្គការ NASA បានប្រាប់គេហទំព័រ FoxNews ថា នៅថ្ងៃ១៩មីនានេះ ជាយប់ដែលមានពន្លឺភ្លឺច្បាស់ជាងគេបំផុត ហើយពពកនឹងមានសម្រស់ស្រស់ស្អាតគួរជាទីទាក់ទាញបំផុត។
កុំភ្លេចណាប្រិយមិត្ត ចាំមើលព្រះចន្ទពេញវង្សនៅថ្ងៃ១៩មីនាទាំងអស់គ្នា!
Refference: http://news.sabay.com.kh/articles/78552
No comments:
Post a Comment